Garavipe ano kham

Adisuno aktiviteti phangyola e garavipea karshi e khameske ani nilayeski stina. Maytele situmen yekh butyako lil kova shay te azhutinel tumen kay te diskutinen e tumare qhavorea phanglo e garavipea kova musay te theren kana iklona ano kham. Ketane e qhavorea, feri so araklova ani nilayeski stina, shay te ikloven ano balkoni vay obori e kheresko thay shay te improvizinen yekh than vash khamipe thay ano yekhuno drom te praktikinen elementya kola araklola ano butyako lil. Te sine kay nanetumen than shay te inkurayinen qhavore te vakerel vash pikturipya ano butyako lil, te tentinel te pikturinel korkoro ano lil thay mashkarvahti te diskutinel phanglo e garavipea kotar o kham ano tate dive. Akava aktiviteti shay te ovel but interesantuno vash qhavore.