Flago lolo kalo

Materiali thay sheya: biberi, kalo qai, parno lil ,hrami.

Evolviripe e aktivitetesko – Beraber e qhavoreya si te kolorinen o flago e koloreya khereske kondiciyenca. Sahy te le yek parno lil thay beraber e qhavoreya te piktorinen yek simboli ayeka sar janena.

Leni hari lolo biberi thay qhivenole ano pani vash te formiringyol o kolori lolo, akava si te ovel but interesantno vash o qhavoro feri so si te dikhel thay yaverune sheya e kuynake shay te keren servisi sar sheya vash aktiviteti. Ini o keqapi si yek shukarno kolori loli shay te vazden e qhavore e mothavde parmakoa vash te kolorinel o buvlipe e flagosko.

May pale formirineni o lepako karshtineni o pani thay o shekeri, vash te servisinel sar shekeri zumyalo ano kher, Numay o kalo qai kareshtimo vastineni vash te keren o simboli ano flago.

Mothaveni e qhavoreske so anglo nesave bersha o flago ishlingya yek qhay khardi marigona thay dengya e Ismail Qemayleske, ov vazdingya odova nai diz e Albaniaki,ani Vlora. Gendineni e qhavoreya kaske ka den o flago kov siyen kerde buti. Papo, papin vay day khoro kova si may phuro kola situmen ani familiya.