Deryaveski piramida

Vash adisuno aktiviteti tumenge manglape kashta vash te kreirinen yekh piramida vay trin e buderi katyencar. Akaya piramida si te servisinel vash te vazdingyol yekh buhlo deryav ano kher. Tumenge manglape vi ayekha ini yekh parno lil thay kalemya koloryencar. Pe shrd, vakareni e qhavorencar vash o payneske jivutre. Phikodeime ano filmya kay dikle vay tumari eksperienca, lepareni disave jivutre ano deryav. Sigurineni kay o jivutren vash kolenge diskutinena te oven kotar ververutne formatya, feri so piramiya phangyola olenge klasifikipeya. Ani baza e piramidaki decizingyona bare jivutre, sar aykula vay delfini thay aver, mashkarvahti ano uprune katya odola may tikne. Siguringyoveni kay tumare qhavore te len kan kay ano pani isi ini aver jivdipya sar luludya kola servisina deryavenge, lenyenge thay e basenyenge vash o jvidipya kay therna andreke.

Qhavore musay te pikturinen jivutren e deryavesko ani olengi gorma, te qhinen olen makazyencar thay te vazde e piramida e payneske jivutrengi. Vi ayekha, qhavoro shay te vastinel ini aver obyektya kola araklona ano kher vash e forma e payneske jivutrengi.