Ano than e drabaripesko

Drabaripesko than ano kher iraneni ano prefereimo than vash tumaro qhavoro.

Thoveni nesave pustikya koloreya thay figurenca, vay nesave magazine thaybukyake qhamya.

– Evolvirineni akala aktivitetya beraber e qhavorenca kola si ani familiya.

– Besheni thay mekeni e qhavore te alosarel yek pustik e paramisenca ,e fuguryenca thay kolorya. Kereni sa kay o qhavoro te putarel e pustik vash e magazina.

– Shay te roden olendar so dikhela ani pustik vay magazine. Kereni shaipe kay te uqarinel ani piri/olaki imaginacie.

– Yaverineni o role. Akana si tumaro rendo vash te drabaren yek paramisi vay mothavipe. Aktrineni pe lugipe e drabaripesko vash e paramisi thay leni sakotor ini e qhavore ano akava aktirpe. Tumen vakerna o lafya klaro thay saktyune thay rodeni kotar o qhavore klaro thay saktyuno vakeripe.

– Shay te keren yek khelipe kote kriirinena yek mothavipe vash yek suro kote tumen sineya loshale ano khelipe, misal: pe lugipe e ashlipasko ,kana vizitingyen e baba, kana phirgyen ano parko, thy.

– Shay te agorinen o aktiviteti kote dena qhavoreske yek qham ano late te hraminen angluno olak/olesko hrami e navesko thay o qhavoro pere parmakoa koloreya kerla thavdya pederal e forma e framyako.