Kerava o butya korkore
Qhavore may shukar siklona kana kokrore siton astarde ano ververutne eksperience. Ano kotorleipe e qhavorengo ano ververutne butya phangle e bershencar e qhavorenge deni e qhavoreske:
- Shaipe vash te eksplorinel, misal ano sivipe vay panyaripe e luludyengo, deni shaipe vash te khelen e qika, panyea ty.
- Deni tromalipe andar o limitya. Misal decisineni limitya so thay so nashti te kerel o qhavoro – shay te khelel qika, numay na te frdel ola.
- Dikhlareni tumare qhavore, ani khetani buti kreiringyola but shukar shaipe vash te dikhlarel e qhavore, vash te len kan so shay te kerel, kote sile pharipe, so kamela ty. Ani akaya baza tumen shay te planifikinen aktivitetya vash te evolvirinen neve janipya vay zorakeren odola egzistime ty.
- Kreirineni shaipe kay o qhavoro te agorinel e buti sukseseya, misal vastindoy sheya/ vastushya, uqipe, manglo pharipe vash qhavore. Te sine kay qhivena pani ano luludya, vastineni yekh qaro rupencar, thay qhiveni abokar pani koba manglape e luludyake.
Adive shay te angazhinen e qhavore te qhivel o astarne ano uravipeske sheya thay te ulaven vash te shukon. Prekal akava aktiviteti qhavoro ka sikavel pere tikne muskulya e vasteske. Tumen ayekha vi shay te roden azhutipe kotar o qhavoro kay te ulavel o sheya sar si pe kategoria thay kolory, misal qarape ano yekh than, bluze ano yaver than ty.
