Humeresko dive

Materiali thay sheya: maro, kiral, produktya vay sakova habe kola situmen ano kher.
Evolviripe e aktivitetesko: Qhavoro ano kobaripe e 3-4 bershuno shay te gatisarel korkoro yek habe kotar o starti ji pe agor, thay akava kerla shaipe but may suka e qhavoreske vash o korkorovaryabulipe thay evolviripe . akla bersha kerena may tipikyuno kana o qhavoro namgla te realizinl sa qhigode korkoro kova sile truyal peste, akaleya adive mekeni e qhavore te gatisarel e pica bizo humer thay bizo tumaro ashutipe.
Si manglo 1 vay nesave kotora e maroske thay produktya kotar sakova kiral kova situmen ano kher vash te qhiven e picake .
Hazeri mare gatisarne qhinde thay o qhindo kiral si manglo te decisinen anglo qhavoro thay te sikaven o procesi kova si te phiravgyol. Ayeka, yek kotor maro ini tumen shay te modelinen anglo qhavoro kote maknole hari keqapeya vay kremi kiralesko, nesave kotora e patlixhanesko vay pequrke thay sasavo matriali kova situmen ano kher, a may pale mekeni te phiravel e buti korkoro kotar o starti ji pe agor te gatisarel e pica. Ani tati furuna te peklon o mare pica thay servisingyon e familiya.