Magikuno drom

Materiali thay sheya: vash akava aktiviteti shay te vastinen sakova shey kova situmen ano kher.

Evolviripe e aktivitetesko – vash evolviripe akale aktivitetesko shay te vastinen yek mothavipe vash o qhavoro vash te dramatizinen ano kher. Vash akava shaipe, mashkar e kheresko manglape te laqhargyol sar yek magiaki soba kote o qhavoro si te evolvirinel o khelipe olake/ oleske. Qhavoro shay te khelel e rola e kesylkuqa, vay yek tikne qhavoresko kov si te ningarelolen tate lokmya kova jivdinla ano yek versh. Vash te kerel pana may loshalo akava aktiviteti tumen shay te gatisaren yek korpa lokumyenca, kote o qhavore mangena but . inkuraineni e qhavore vash te vastinel so may but magiyake lafya. Tumen sar dat hramineni nesave lafya kay o qhavoro te vastinelole ano sakodivuno jivdipe

May telune lafya hraminena ano lileske kotora thay garaveni ano yaverune thana, a o qhavoro manglape te arakhelolen. Ov/oy nashti te dol o lokumya e babake bizo arkhipe e magikune lafyengo. ) Yeftisar! Ruyjinati!Nays! Shukar dive! Laqo dive!) . Ashutineni e qhavore kote demostrinla ini tumen sar dat kana vastinena akala lafya.