Miri kalaya

Materiali thay sheya: cilindarya e lileske kola aqhile kotar o vastipe e lilengo vash higiena vay plastikake shishe toperlak, lil koloreya vay qhinde lila kotar o gazate vay magazine, lepako, makaze kolorya thay ferqe( opsionalune).

Evolviripe e aktivitetesko: akava aktiviteti si shukarno vash o qhavore 3-4 bersha feriso ashutinla olen ano motorikuno janipe. Te sine kay ano kher na situmen cilindrune lila vash higiena, tumen shay te kriirinen beraber e qhavoreya cilindre kotar o parne lila,koloreya vay sakova lil kay situnem ano kher . Rodeni e qhavorestar te lel yek gendo kotar o ponj ji po desh . ulavipeya kotar o gendo kova alosarya o qhavoro ,aboka cilinderya manglape te keren . May pale mekeni e qhavore ne qhinel makazenca o cilindrya thay te lepatinel ano cilindarya . Palo agoripe , puqeni e qhavore kote mangela te vazdel e kalaya olake/oleske. Kote ashutinen e qhavore ,shay te decisinen o cilindarya ko yek e yavereske sar si ani ilustrimi figura. Qhavore manglape te ashutinenole , te mothavel lafenca e kalaya olake/oleske, thay ashutinenole vash te kriirinel yek mothavipe tikno truyal olate. Shay te roden kotar o qhavoro vash te decisinel o nav e klasako olako/olesko, te decisinel e personashzen olake/oleske preferime pe olako olesko andripe. Inkuraineni e qhavore vash te vastinel neve lafya ano olake /oleske hramipya . Pe agor shay te keren yek tasfiri vash mangipe kotar kalayako vazdipe.