E qarshafeya thay idya, moro flago ani soba

Materiali thay sheya: Yek qarshafi e havayake koloreya, te sine kay na situmen akava kolori shay te ovel ini parno, parne lila thay makaze.

Evolviripe e aktivitetesko: Akava aktiviteti sikavla e qhavore te kririnel sheya e khereske sheyenca. Kamle daya, vash te vazden o kreativiteti ko qhavore si semno te vakeren olenca harne lafyenca, bizo lepie kotor sakoyaver ano aktiviteti ,besheni thay oveni kotor e aktivitetesko vash te giriqinen o vakti olenca. Manglape te oveltumen yek baro parno qarshafi kote mothavena e qhavoreske so adive terena may baro flago ani Kosova, a odova si te ovel ano amaro kher. Qhavoro buvlarla korkoro o qarshafi ani phuv thay inkuraineni vash te arakhel yek bluza havayake koloreya ano kher vay peshkiri vash te kerel e Kosovaki harta, thay parne sheya ano kher vash te kerel o qerenya . So may but kay o qhavoro delapestar vash te rodel ano kher, aboka may but resla o res vash adisuno aktiviteti.