Kririmo iv ano kher

Materiali thay sheya : soda maroski ,losioni vash o trupo vay kovlardo vash o bala.

Evolviripe e aktivitetesko: Adive manglape tumene duy sheya vash te kririnen artificionaluno iv thay te keren shaipe e qhavoreske vash te loshalol khelipa oleya. Leni yek qaro hor phereni trin finxhanya soda maroski thay deni e qhavoreske kay te qhorel ano hor qaro, may pale phereni o finxhani losioni vay kovlo e balengo thay deni e qhavoreske te qhorel ano hor qaro. May pale kareshtineni sa e masa ji kay te kareshtingyol shuka thay sasavipeya shay te ferden ini hari sherlaipe kay o iv te diklol may shuka. Qhoreni akaya masa ani yek tepsiya thay mekeni e qhavore kay te ferdel o vazta ani akaya masa thay te khelel thay te kenaqingyol keripa iveske topke.

Te sine kay o qhavoro mangla te aqhavel o khelipe, thoveni e masa ano yek nayloni vash te garavenola e avutne divenge.