Sekretyuno mesazhi

Matriali : tikne shishe e plastikake, lil ,hrami thay yek bari kofa payneya.

Vash adivuno aktiviteti manglape te keden nesave tikne shishe e payneske, kote si te decisingyon yek mesazh vash o qhavore. Sakoya shisha adikerla pa peste yek kotor e mesazhsko, ayeka kay o dat andri shisha shay te deciisnel yek hrami, yek tasfir, yek gendo, yek pikturipe, yek kolori ulavdo vay sakova signali kova shay te ashutinel e qhavore te arakhel soske ovela lafi. O shishe thoveni ano pani thay o qhavoro shay te lol olen yek po yek , ji kay resla te arakhel so ovela lafi. Sasavipeya shay te alosargyol yek obyekti kola araklona ani soba e beshipaski vay ani soba e qhavorengi. Shay te ovel pana diso kay o qhavoro mangla but.

Shay te keren akava aktiviteti bare hramyenca. Qhavoro lela yek kotar o sa o shishe thay rendinla o hramya odola yaverune. Numa, qhavoro tumare ashutipeya, manglape te arakhel soske ovela lafi . Tumen ashutinena e qhavore te rendinel o hramya kote vakerla o lafi , thay ov/oy te janel kote si o than o hrami kova arakla. Na si manglo kay o qhavoro te penjarel o hramya ano akala bersha, numay tumen vash akava manglape te shutinen e qhavore te formirinel o lafipe.

Akava aktiviteti shay te ashutinel but e qhavore te kriirinel o janipe e lekanipesko vash o hramya thay o lafrya kola siton ano khelipe.