Muy kotar plastelina

Plastelina kotar humer savaht sito khelipeske vash tikne qhavore thay anela olenge but benefitya ano evoliripe e muskulengo thay shunipeske eksperience.

Materialya: kedeni materialya kotar natura (bar, patrinya, qaryake kotora vay sane gebe ty.), plastelina kotar humer, qhavoresko foto, yaver materialya kay qhavoro arakhla khere.

Anglo se te shrden o aktiviteti kereni yekh phiripe ani natura tumare qhavoreya thay kedeni ververutne materialya kay arakhna avri. Tumen shay te mekhen e qhavorenge kay te arakhel materialya kay manglape olenge khere [thaveske kotora vash bala, kopse vash yakha, fyongo vash muy, pasuleske kotora vash danda ty].
Leni nesave foto e qhavoreske thay rodeni olestar/olatar te identifikinel moske kotora. Godideineni qhavore te buhlarel e plastelina vay humer thay te vastinel e kolekcia e materialengi kay kedingyen ani natura vash te kreirinel olesko/olako muy! Deni qhavoreske o tromalipe te eksplorinel thay te eksperimentinel e materialencar.
Puqipya kay shay te keren: savi forma sila o shero? Mothav tere bala. Sar shay te yaverina o mothavipe tere mosko?