mangle lafya

Adive si te evolvirina qhibyako karakteri ko qhavore.

Beraber e familiya alosareni trin – ponj figure vay obyektya a ini o khelipya kola siton khere. Mekeni e qhavore te arakhelkorkoro e obyekte olako/olesko.

Mothaveni kay akala obyektya, figure, khelipya kriirinena yek mothavipe. Kereni ini  tumen akava.

– May pale o qhavoro shay te arakhel pana may but figure vay obyektya thay te barvalel o mothavipe olako/olesko.

– Berabervakereni e qhavoreya kana ov/oy lela yek figura, yek khelipe vay yek obyekti bvash te thovel ano mothavipe ano puqipe,; soske alosargyan? So si te kerel akava /akaya?thy. thy.

– Kereni rendoa – ini tumen kriirinen tumaro mothavipe.

– Tumen shay te roden kotar o qhavoro poro mothavipe ov/oy te khelen ano teatri.

– Tumen shay te keren ini o khelipe e abecedako – vash te arakhen lafya kola startina yeka ulavde hrameya; tumen shay te vakeren e abeceda bizo avazo… qhavoro phenla tumenge stop. Tumen vakerna o hrami kote ulavgyola. Beraber e qhavoreya si te arakhen so may but lafya kola startinena odole hrameya. Yaver rig , qhavoro ulavla kole hrameya si te arakhel o lafi.