Murali e gendipasko

Janipeya kana akana aaraklova ano izolipe, si te kerel ashutipe but kay o qhavore re keren yek gendipe ano yek kotor e kheresko kova shay te gendinel akava vakti. Murali shay te ovel ano duvari e kheresko kova na si but ekspozimo thay kova na ruminla o harmonipe e kheresko.

Shay te ovel yek mashkar ano boro, vay odola kola jivdinena ano stani shay te ovel o balkoni, kote ani yek rig e balkoneski shay te ovel yek murali e historia vash qhavoresko jivdipe.

Vash akava aktiviteti shay te vastingyon o matrialya kova tumen gendinena shay te kerel yek interesantyuno murali. Shay te vastingyo ini pirinji, rovlik, kapako , makarine ,pasuli,thy.

Vash o murali shay te vastinen ini tasfirya kote o qhavoro shay te mothavel o bayripeov/oy , shay te laqharen e aktivitetyenca kova o qhavoro kergya pe lugipe akale duy qhonyenge ano kheresko izolipe.

Qhavoro shay te kerel ini day fruti e shishenge kapakyenca, yek simsineko, yek qiriklo vay so na oleske /olake kay si manglo. Shay ini te keren e forma kotar  o pro vay vast olako/olesko. Vay in angluno hrami e navesko olako/olesko.

Beraber e qhavoreya shay te keren yek pishot kote si te thoven o mahatne momentya pe bayrovipe olako/olesko. NA si semnipeya kay o pishot te ovel prefektno, shay te ovel yek gondipe ano may semne bajakya e qhavoreske jivdipasko.