Aktiviteti  ‘’Ma takyov’’

Avdive si te khelen e qhavoreya o khelipe ‘’Ma takyov’’, yekh khelipe akava kay dela shukaripe qhavorenge. Pe shrd, manglape te diksutingyol e qhavorea odova kola si o jivutre kola jivdina ano tate thana. Ketane e qhavoreya te alosaren o tumare may kamle jivutre kola jivdina ano odola thana. Musay te mothaven yekhe-avereske soske kamena odola jivutren thay siguripea kay shay diskutina e qhavorea sar manglape te dikhen jivutren. Vash te phiraven aktiviteti tumenge musay duy lila parne kote musay te pikturinen tumaro kamlo jivutro. Musay shrdipea te mothaven qhavoreske te pikturinel pere kamle jivutre kobar si baro lil, e resipea kay te therel than vash te decizinel geometrikune forme andre, trougao, katrori, vay aver forme. Manglape vi duy dugme kola si te vastinen olen vash te phiren ano drom vazdimo e geometrikune figurencar.

Ano yekh kotar o figure decizineni aqhavipya kote musay te imitinen, musay te mothaven diso hasabaske tumen vay qhavoro, musay te mothaven dayk tikni paramisi kola tumen si te gndinen.

Ma darani vash qhavore, ov/oy musay te pikturinel sar janla korkoro. Te sine kay rodna azhutipe tumen shay te phikodeinen te agorinen pikturipe. Palo so agorinla pikturipe, decizineni 10-15 forme geometrikune andre.

Vi ayekha, musay te kreirinen yekh zar/kubi tikno vastinindoy sasavo materiali kay therna khere. Shay te vastinen kartoni, plastikaki shishavy day aver gatisarno kubi koleske decizina o gendya ani sasavi oleski qham.

Khelipe ovla qhivinindoy o zari, ko resla angluno pe agor. Si vasnipe kay odova kova resla angluno musay te mothavel yekh elementi e hem kamle jivutresko kay oleske angya triunfipe.