Phudela balval

Adive kereni yekh aktivuno khelipe thay loshalipesko vash tumaro qhavoro. Akale khelipeya e but hari gatsiaripyea, sigurina tumenge kay tumaro qhavoro ka qalargyol but.

Sah so manglape tumenge adive sito yekh balengi shukyarni, yekh tualetesko lil, vay yekh qhindo lil sar patrenya, vay pamukoske topke.

Leni kova te ovel materiali, deni qhavoreske thay vakereni kay te frdel o lila “patrenya” ani havaya. Ji kay tumen vastinena e balengi shukyarni thay tentinena kay prekal olate te phuden o lila ano phud kay ma te peren ani phuv. Palo odova qhiveni o lila ani yekh kesa thay kereni sar kay perela brshin kotar e meval, ji kay tentinena te adikeren ani havaya prekal balengi shusharni. Ji kay khelena vastineni o lafya “perena o luludya”, “phudela e balal”. Vastineni akava vash te qhiven so may but ano phiripe tumare qhavore. Ano than e balenga shukyarnako shay te vastinen nesavo peshkiri vay kartoni vash te “phuden o patrenya”.

Vash akava aktiviteti ayekha vi tumen shay te vastinen o pherde pishotya, thay te khelen o khelipe e balvalako thay boldipe tentindoy kay ma te mekhen te peren o pishotya ai phuv prekal e balengi shukarni vay nesavi yaver qhand.