Miri kundra

Materiali thay sheya : kartoni, thavenge kotora vay phanipya e kundrenge, kolorya .

Evolvirpe e aktivitetesko: Qhineni yekh kotor e kartonesko vay zoralo lil ano forma e kundrengi thay kereni duy kolone e rupenca ano mashkar e “kundrako”. Deni qhavoreske ververutne kolorya thay mekheni te kolorinel e kundra kotar o lil sar si pe olesko mangipe. Pe agor deni yekh phanglipe e kundrengo vay yekh kotor e thavesko thay demostrineni sar te phanel o phanglipe ano rupe. Ani akaya faza sito vasno kay o qhavoro te tentinel te qhivel phanglipe ani rupa thay ikalel ola vash te sikavel pere tikne muskule thay o ajukeripe, numay siguripeya kay naka resel te “phanel e kundra” ayekha kay mekheni te khelel thay te loshalol bi khuvdo ani oleski buti.