Paramisi e angloyevendesko

Evolviripe e aktivitetesko: Adive startina o qhon e paramiseya vash anglonilay, vash te informina e qhavoren soske ano marto putarena o luludya, soske si e phuv buderi barvalipyenca thay o qhavore loshalona. Startineni te drabaren o paramisi tumare qhavoreya.

Sine yek ver yek 12 malin thay mala kova sine but kamle mashkarpeste, on sinolen o nava : Yanuaro, Februaro, Marto, Aprilo, May, Yulo, Yuno, Avgusto, Sektembro, Oktobro , Novembro, thay Decembro. Sakova olendar sinole diso ulavdo olendar. Sakova mal thay malin sinole but mangipe te mothavel so may but kamela. Kana o Yanuaro thay Februaro vakerde, mothavde kay on kamena but o iv thay pasharena iv vash o qhavore ano sa sundal, Marto hari sinole merz feriso o iv bilavgyola kotar o marto thay na mekla e qhavoren veke te khelel iveya. May pale o Aprilo vakergya: O Marto ,tu siyan may laqo se Yanuaro thay Februaro, mothav koba luludya pashareya tu amenge ,mothav kay takyarehamen may but e khameya. Marto hasasalo thay vakergya: va, si qaqipe me bilavava o iv numay na mekava e qhavoren te merzan, on mancar shunena o shukaripe e luludyenca e shukarne notenca pe lugipe e sa bershesko. Ka mande na si shil thay but brishin. Ka mande si but barvalipe thay shukaripya. Ayeka vakergya sakova mal thay malin vash te mothaven o shukaripya kova silen thay sar kenaqinena e qhavoren.

Phiravena e puqipyenca, kova qhon beginena vash tumenge?