Paramisi vash o iv

Kamle dadalarya, te startin o kurko mothavipa e qhavorege yek mothavipe phando e iveya thay o procesi e kriripasko e ivesko kote ka aktivizina olengi imaginacia, feriso ano kurkoske dive ani phiravipe si te eksperimentina e iveya thay o pani sar ini si te khela yaverune khelipya. Fillimisht le ta nxisim kureshtjen me përralla dhe imagjinatë, e më pas në ditët në vazhdim të tregojmë me eksperimente si bëhet bora për fëmijët tanë. Startipeya te vazda o interesipe paramisyenca thay imaginacia, a may pale ano avutne dive te mothava e eksperimenteya sar ovela o iv vash amare qhavore.

Paramisi
Rita sitoy yek qhay koya kamla o yeven but thay o vakti iveya sitov olake preferimo. Puqeni tumare qhavore: Tu kova periodi kameya may but? Soske? (palo leipe e respodipasko, startina e paramiseya).
Puqeni: Stina decisinla kay sakoya rat anglo soibe te rodel kotar pero papo vash te dol iv so may sig, a tu so rodingyan kotar toro papo ? phiraveni o vakeripe e qhavoreya vash te keren o paramisi ani interakcia.
Phirava o paramisi: Yek sabai, kana e rita kana e rita ushla lindrata, kotar sobaki penxhera dikla kay sa qhigode si uqhardo kotar o iv thay but loshali ushla thay nakla ko dadalarya thay phenla : “Daye, dada , papo phergya moro mangipe, o iv perela , uaaaaa!”
Dadalarya vakerna” “Ma mo vilo, o papo phergya toro mangipe kote irangya o pani ano iv!”, e Rita , but shasherisali , bashlaynla te hasal thay vakerlra: Daye, so vakreya ayeka,sar shay te ovel o pani iv?”, numay e day dela respodipe: “Va mo vilo, vash te perel o iv , manglape te kriringyol yek magikuno procesi, feriso o thavdya e prishineske upre ano badalya, kana sitov but shil ,ovela iv thay perla ani phuv”. Palem inkuadringyoven ano paramisi tumare qhavore kote puqenole, “diklola mi akava tuke interesantno ? So ulo brishineya? Sar ulo iv? Uaa! Ini e Rita ayeka sar tu shasherisali but kana lelakan kay o brishin irangyola ano iv. May pale e Rita puqla para daya: Daye ya o iv sar ovla palem brishin ? Day vakergya: va, o iv muklola kotar o kham thay ovla pani . Ma bistar Rita ,o brishin kotar o shudripe ovla iv ,a o iv kotar o tatipe ovla brishin”.
Maypale vakereni e qhavoreske: “ te mothava tumenge akava paramisi ini e yaverenge beraber, te shasherinen on sar e rita thay tu”. Mekeni manglo buvlipe kay tumaro qhavoro kokoro te mothavel o paramisi kotar o bashlamako ji pe agor vash o yaver mailiyake jene ji pe agor e shaipya vash te gazaynel mothavipeske janipya.