Thagarnipe e periodesko

Materiali thay sheya: yek mashkaruno paketi, makaze, kolorya parafina (memeli), markeri vay hrami.
Evolviripe e aktivitetesko: penjareni tumare qhavore,kay, pe luipe e khelipesko truyal o kham , o periodi sile o vakti kana beshna ano volani e thagarnipasko thay o thagarnipe ani phuv. Leni yek paketi shaipeya te ovel may bari vash te qhinen yek baro truyal thay ulaveni po kvash yeke leyneya thay maypale ini yeke yaver lenya ano shtar kotora kola si beraberyune. Ano yek kotor hramineni “Anglonilay”thay pikturini yek luludi, ano duyto “Nilay” thay pikturineni o kham, ano trito “Angloyeven” thay pikturineni yek patren thay ano shtarto “yeven” thay pikturineni yek iv . Qhavoro si te janel kova periodi sitoy ani baza vash o simbolya kova siyen pikturime , numay rodeni kotar ov/oy kay si te kolorinel o periodya. Kotor e anglonilayesko si te kolorinel qar koloreya, o kotor e nilaysko kolorineni e zhute koloreya, kotor e angloyevendesko kolorineni orang koloreya thay o kotor e yevendesko e havayake koloreya. Palo koloripe ,rodeni kotar o qhavore vash te iranel kote si te dikhen sar yaverinena shtar periodya pe lugipe e bershesko.