Khameski luludi

Matriali thay sheya:Lileske taynirya vay plastikake (ano na theripe , shay te vastine o lil e shutek koloreya ano toperlak forma) , kale seme e khamesme luludyako (vay pipke kale , kahaveyake zerne , thavkalo, kale digme sakova kotar akava matriali situmen ano kher) , makaze, lepako, pipke, qarboyake thay patrenya vay qarboyako lil.

Aktiviteti – yek kotar o baravlaipe kova pasharla o angloyeven si ini khameski luludi kova luludya thay e koloreya dela e angloyevendeske yek laqipe thay jivdipe. Vakereni e qhavoreske vash vakeripe kote kerena puqipe savo kolori si khamesko luludi ? pa kaste benzinla? Kote peklola? Thy.. thay mothaveni beraber si te keren o matrialo kova si uprelepardo vash khameski luludi. Deni e qhavoreske yek taynili lilesko vay shuto lil qhindi ani forma e truyalipaski thay rodeni kotar o qhavoro vash te qhinelola makazyenca ano truyal (sar si ano tasfiri ), may pale mothaveni vash te kolorinel e shuta koloreya palo shukipe e koloresko , qhavoro te lepatinel nesave kale seme (o kale thavaqhinde, kahaveyake zerne vay sakova matriali kova situmen khere kova lepardilo mayuqe) . May pale vakereni e qhavoreske kay e pukenca qarboyake vay qrboyako lil te keren o dali e khameskaluludyake thay pe agor te lepatinel duy patrenya kola si qaqune vay kerde kotar o lil.

Te sine kay situmen seme e khameske luludyako , kereni shaipe e qhavoreske vash te putarelolen thay te hal odola.