Phiravipe e paynesko sfunjereya

Akava aktiviteti dela shaipe e qhavoreske vash te khelel, evovlirinel motorikune kreativipya e mishiqyengo bare thay odole tikne, parmakya ji kay sizdrinla o sfunjeri, leindoy pe dikhipe niveli e nashavde paynesko kova qhordilo ano vahti e phiravipasko/akharipasko.

Khelipe evolviringyola pherinindoy duy qare payneya vay kove yekhune. Yekh qar/kova phergylla e payenya thay e duyti aqhola bosh koya decizingyola duy-trin bajakya dur e qhavorestar. Qhavoro informingyola kay so may hari pani nashavgyola sito may shukar, yekhe lafeya o qhavoro lela signali kay musay te sigyol. Qhavoro qhivla sfunyeri ani kova payneya thay mekla ole ji pila o pani. Odothar akharla ji ani bosh kova sizdrinindoy ole e duy vastyencar kay te mekhel so may but pani. Palo so lela o sah pani pashavla e bosh kova vash te kerel diferencipe o niveli e nashavde paynesko.

Akava khelipe shay ovla sine may laqo te sine kay khelgyola ini day aver qhavoreya. O qhavore lena kove yekhune thay yekh qar bari phergyola e payneya kolatar duy qhavore si te len o pani vash te pheren o payneske kove. Palo so sizdringyola o pani odoya ver lelona pe dikhipe o kove kola therna may buderi pani.

Akava khelipe   shay te khelgyol ano ververutne ambientya pherinindoy kadaya vay qarya may tikne kotar o sfunjeresko sizdripe.