Ledo thay pirinji/orizi

Nilayeski stina sitoy tati thay vash akaleske avdive o qhavore musay te diskutinen tumencar sar te garaven peste ano vahti e nilayesko. Tumen shay te mothaven e qhavoreske dayk mothavipe kotar tumaro jivipe kana sine but tatipe thay so kergyen tumen vash te garaven tumen. Ani paramisi vay tumaro othavipe usay siyen te qhiven elementya e uravipasko thay hijienako garavipe ano nilay. Palo so agorinena mothvdipe si te inkurayinen e qhavoren kay te vastinel adikeripe o ledo ano frizhideri vash te gatisarel kube ledyencar koloreya. Ovinindoy kay o kube/forme ledesko si te vastingyon sar eksperimenti tumen shay te makhen olen ano sasavo dro kay te oven so may shukar. Shay te vastinen habasko kolori, shay te vastinen o marke koloryencar vay ini koksi e koloreya. Miksingyona o pani thay kolorya thay phergyola adikeripe e ledesko o frizhideri oleya. Palo odova musay te beshen ano frizhideri vash te marungyon.

Palo so marungyona, ani yekh duz tepsia qhiveni o ledya kolorea yekh po yekh, ano vertikaluni forma, ano duy kolone. Leindoy dikhipe o kolorya kola therna, qhavoro si te ovel ani situaci te dikhel olengo kombinipe. Akaleske, ani kreirimi rig e ledyencar, ketane e ledyencar decizingyla ini o pirinji. Mekhinindoy o ledo pirinji lela kolori thay ano yekhuno vahti on shrdna te miksingyon. Ayekha kay qhavoro si te ovel ani situacia te lel kan sar o miksipe e koloryencar kreirinla yekh nevo kolori.

Akava eksperimenti azhutinla ano gndipe e qhavoresko thay sito but atraktivuno