Luludyengo lastuko

Vash akava aktiviteti manglape e dadalaryenge yek toperlak lepako, yek thulo nayloni, pani thay yaverune luludya Akava si yek aktiviteti kova sile but arktipe, numay ano ayni vakti ini relaksimo. Shay te vastingyol yek thulo nayloni bizodikhipe kova pherena pani thay ferdena luludya po leste. Akava yastuko meklola tele ani phuv thay o qhavoro kovlorlole vasteya thay e prenca thay shay te phirel po leste. Akava yastuko shay te ovel ini e grosheya kola buvlargyona kana o qhavoro ushkavlolen preya thay vastenca.

Yek yaver shaipe si kay o gatisaripe ovela prekal o “informipe” (slim – substanca koya puzala) e yaverune kolorenca kola thovgyona ano yaverune naylonya kola lepingyona yek palo yek sar kylymi. Akava si sensorikuno kylymi kova argtinla e qhavoren ani bari masa, numay kana ushkavla yek kolori odoyaver ano obyekti mothavla kay akava kolori beginla.