Khereski luludi

Qhavoro manglape e vazdel yek luludi vay fruit ano khereske obyektya.

Adisuno aktiviteti mangla kay o qhavoro te ovel so may spontanyuno,  kreativuno, thay artistikuno,  e shuroa vash te kriiringyol yek butikeripe kova manglape te realizingyol numay kherune sheyenca. Qhavoro manglape te kerel yek luludi   e kherune sheyenca kay ov /oy arakla ano kher. Vash akava aktiviteti shay te vastingyon peshkirya, roy,tikne taynirya thay sa qhigode kay o qhavoro gendinla kova shay te ashutinelole vashte kerel yek luludi vay fruit.

Vash te stimulingyol o qhavoro startipeya dat shay te mothavel kola siton o kotora yeka luludyake vay fruteski . Si preferimo vash te drabaren yek mothavipe vay paramisi kova ilustrinla kotora e luludyake vay fruteski. Siguringyoveni kay o qhavoro lela kan kova siton kotora e luludyake thay mothaveni kay pe lugipe e vaktesko kova si te alosarel o sheya ano kher ka ovelole ini tumaro phikoipe te dine kay manglape. Si shukar kay pe kedipe e sheyengo te kedingyon so may but obyektya kola araklona ano kher, e shaipeya kay o butikeripe te ovel so may koloryuno.

Shuneni beraber yek gili pe lugipe e vaktesko vash alosaripe e sheyengo khere. Ano lugipe e vaktesko ano vazdipe e bukyako, puqeni e qhavore vash o kolorya, rodeni o genipe e sheyengo kova vastinena, thay vazdeni puqipe vash te len kan kova si may bari kova si may tikno, angle – pale thay.

Pe agor tumen shay te keren tasfiri vash o qhavoro kova kerela buti, kova shay te ulavel malenca/ malinenca vay o pashutne.