Kana ka bayrovav ka ovav

Adive si te khelen thay si te sikloven vash nesave profesie. vash akava khelipe manglape; piktoripya vash bukyake qhamya e yaverune profesiyenge, piktoripya vash o sheya e vastipaske ano yaverune profesie, yek pustik kova vakarla vash o profesie shay ini te dikhen video ano You Tube vash o yaverune profesie ani lenya pe avipe: https://www.youtube.com/watch?v=Oyog_ëQSYDI .

– Shay te startina te dikha o video beraber.

– Shay te startinen thsar diklola ay te puqen tumare qhavore so mangna te oven kana bayrona. Rodeni olendar te mothaven tumenge so shay te keren odola profesia kay alosargya, sar diklola o uravipe vay e uniforma ,shay te puqenole soske alosarga akaya profesia ,thy.

– May pale tumen shay te drabaren yek mothavipe berabre kote vakergyola vash yaverune profesie thay olengo mahatnipe.

– Tumen shay te khelen khelipe e rolenca kote dena shaipe qhavoreske vash te imitinel e profesia koya alosargya.

– Tumen shay te alosaren o khelipe, kote shay qhinena o qhamya e figurenca kotar o profesie. Kareshtinena thay o qhavoro manglape te kriirinel e pherdi figura thay te mothavel e profesia savi sitoy.

– Numay, decisineni ani yek rig o   figure e profesiyenge thay ani yaver rig o sheya kola   vastingyona ano odola profesie. Rodeni e qhavorenda vash te qekatinel o sheya e profesiya.