Pustik – may laqo amal

Evolviripe e aktivitetesko : Kereni o drabaripe vash tumaro qhavoro sako divuni rutina, vay sakoya rat anglo soibe. Sito but vasno kay o qhavore te ekspozingyon pedral o pustika kay te drabargyol olenge sar ano tikne bersha. Drabaripe e pustikengo vash tumaro qhavoro sile qalavipe ano tumaro phanglipe may pashutno e qhavoreya, ano buhlaripe e alavaresko e qhavoresko thay barvalipe e qhibyako thay vakeripesko, evolviripesko e imaginaciako.

Nesave godinipya vash te drabaren e tikne qhavorenge:

Alosareni pustika e fotografiencatr thay sade alavyencar kay nakhena e fotografia.

Anavineni obyektya ani fotografia.

Ma shunentumen kay musay te drabaren o mothavipe alav pe alav. Alosareni nesave sherune alavya thay kereni o lafipe korkore pasharindoy o fotografie ani pustik.

Arakheni pustika e hasabaske alavyencar, rimencar thay fotografia.

Arakheni shaipya kay vash te iranen e pustik anoi aktiviteti ano sako divuni juvdipe. Misalake pustika vash jivutre, pikniko, vizite ki baba ty. Iraneni ano aktiviteti pikturindoy yekh ferma, baba, kerindoy panika ty.