Khelipe e tunelesko

Materialya thay vastushya: Kartoneski kutia mashkaruni vay bari, shali, qorapya kolorencar, kashteski roy, preferimo khelipe kotar pelusha, lil koloreya sar ini ververutne  materialya kolen o dadalarya dikhena sar sigurune vash te ymlaven ano andripe e kartoneska kutiako.

Organizipe e aktivitetesko:

Aktiviteti/khelipe shay te ovel ano avruno vay andruno ambienti.  Khetane e qhavorencar kreirineni yekh “tuneli”  qhivinody yekh kartoneski kutia putardi kotar sol duy riga. Ano upruno kotor e kutiako, rodeni e qhavorestar te puterel nesave rupe thay  khetane umlaveni verveutne materialya  sar aqhavipya.  Modelindoy o phiripe ano tuneli, situmilineni e qhavore kay puzalindoy vay phirindoy prenca/vastencar te phirel ano tuneli nakhavindoy o aqhavipya kay siton umlavde.

Vash may bare qhavore, tuneli shay te improvizinen e beshavna, mesalin, baro yastuko, ty.

Te sine kay situmen but qhavore ani familia organizineni khetane o pampuresko  khelipe kay phirela ano tuneli.

Sugeripe:

Kreirineni  shaipe e qhavoreske kay te kerel buti ver o khelipe, decisindoy ano agor e tunelesko preferimo khelipe, yekh preferimo hape vay tumen ajukerindoy olen ano agor e tunelesko. Tumen shay te keren ini gara yekh e yavareya. Yaverineni dayk ver ini o “aqhavipya” kerindoy olen may phare thay o qhavoro ne tentinel sakoya ver may buderi vash te nakhel o tuneli.