Siklova o kobaripe e payneske ferdiepa

Sa o qhavore kamena o pani thay o khelipe payneya. Kote prekal o khelipe siklona neve sheya. Odola adikergyona ani godi so may sig thay ano yek lugo vakti. Ano duveri e kheresko vay balkonesko thoveninesave lila parne kote pikturinena figure odola yaverune thay e yaverune kobaripyenca. Ano trinlenyuno tikno thay yek trinlenyuno baro, yek tikno vilo thay yek baro vilo qerenya, shtarkysheliye vay truyal.

Spreyi e xhamengo pherena payneya kote qhivena kolorya e temperenge te sine kay situmen a te sine kay na situmen shay te vastinen hari keqapi vash te dol lolo kolori.

Deni janipya e qhavoreske; sapakar o baro vilo ji kay sapangyola sa, sapakar o qeren ji sapangyola sa. Da garancia kay o qhavoro sit e kenaqingyol vay ini sit e siklol prekal akava khelipe.

Sar yaver opsiya shay te vastinen nesave tikne topke loke vay plastikake tahtaya thay lila vash te pelakaren e ferdipeya kotar o sapandipe e paynesko palo keripe e formengo ani yek struktura sar stani olencar.