Qante gendencar

Materialya: kese vay lileske qante, markerya, materialya kotar e natura.
Sigurineni nesave kese vay lileske qante thay hramineni ani sakoya kesa yekh gendo, shrdindoy kotar numay 1, 2 thay 3.
Ikloveni tumare qhavoreya avri odothe kote shay te arakhel sheya vash te kedel, ayekha sar luludya, bara, tishke, patrenya ty. Deni godi te decisinel o manglo gendo e sheyengo ani sakoya kesa sar si pe gendo. Qhavoro shay te kedel ini numay patrenya kolen musay te ulavel sar si pe kolori/ baripe/qhand ani sakoya kesa. Akava khelipe qhavoro shay te kerel ini khere palo kay kedingya nesave materialya ano phiripe. Tumen shay te roden kay o qhavoro te arakhel khere 2, vay 3 vay 4 yekhune obyektya.