Muzika e Rake-takencar

Gatisareni adive yekh raka taka e sheyencar kay situmen khere... ka mangolpe tumenge numay nesave kapakya e shishengo kote ka puteren yekh rupa thay te phanen ani yekh tuba e plastikaki vay yekh tikni lileski tuba. Ververutne kolorya thay avazya kay kerna khetane ka ovel yekh but interesanutno khelipe vash qhavoro. Tumen shay vi te qhiven ververutne produktya ano may tikne kutie thay te mekhen e qhavore te khelavel olen thay te zhnel ververutne avazya.