Mevalya ano angloyevend

Materialya thay vastushya: sezonalune frute, plastikake qhurika.

Organizipe e aktivitetesko: Adive si dosta te qhiven o mevalya ani mesalin thay te inkurinen qhavoren te konsuminen olen, vakerindoy olencar vash kobar siton saste thay vash o vitaminya kay silen. Tentineni kay o tanyiri te ovel so may krreativuno kay qhavorenge te bayrol o interesipe vash olengo konsumipe. Ji kay o qhavore konsuminena o mevalya mangeni te mothaven tumenge kobar siton laqe, kola may but kamena, ty.

Palo odova, deni olenge yekh plastikaki qhurik vay tekh obyekti kole shay te vastinen sar qurik thay mekheni olenge te qhinen yekh e mevalyendar kay situmen khere. Ma azhutineni olen, mekheni kay te keren korkore. Vash may tikne qhavore, decisineni nesave frute ani yekh korpa thay ani mesalin olenge figure, vay numay o lila e koloreya thay rodeni kay o qhavoro te khetaninel e meval e koloreya vay e figura.

Sugeripe:

Konsumineni khetane e qhavorencar o mevalya. Ayekha vazdena vi olen kay te konsuminen khetane tumencar.