Ferqa thay pasta e dandengi (eksperimenti)

Materiali thay sheya: duy keravde yare zorale, duy qare xhameske, sok Coca- Cola, Dandengi ferca thay pasta dandengi , lil koloreya, tikne bara parne vay grosho ,lepako.

Evolviripe e aktivitetesko: Va sar si o danda ayeka ini e cipa e yarengo sar si avruno buvlipe zoralo ayeka sar si ano andripe, vash akava klaripe adive si te keren akava eksperimenti vash te mothavgyol e qhavoreske so ovela odole garavipeya kova si avri kana si ekspozimo ano gugle sokya sar Coca – Cola vay yaver sokya. Leni duy keravde yare shuka deni e qhavoreske yek te decisinel ano qaro e Coca- colaco thay o yaver ano pani. On manglape te beshen ayeka 24 orya thay tahara beraber e qhavoreya si te nikalen o yare vash te dikhen so ulo . O yaro kova sine ano qaro payneya niso na ka ovel ,numay odova ani Coca- cola ka ovelola nesave lishe . May pale pashareni e qhavoreske e pasta thay e ferqa thay rodeni kay ov/oy vash te shusharel o yaro e pasta thay qetka. Kotar akava experimenti o qhavoro si te lol kane koba si semno o thovipe e dandengo thay cidipe e sokyengo thay yaver habengo kola silen shekeri.

Thay mashkarovakti o qhavoro manglape te ajikerel 24 orya vash te dikhel so ovela e yaroa, tumen ashutineni e qhavore vash te kerel o muy thay o danda. Leni yek lil koloreya ,te sine kay si lolo,thay pakyarenola ano kvash, qhineni o kyshya e lileske vash te den e forma e moski. May pale rodeni kotar o qhavoro vash te lepatinel o parne danda vay grosho ano lil vash te simbolizinel o muy thay o danda.

Palo shukyaripe e lepakosko , deni e qhavoreske yek ferqa e dandengi thay rodeni qhavorestar vash te kerel o thovipe e dandengo vash te khelel.