Dako vilo

Vash o tikne qhavore khelipe humereya, kole on silen shaipe te bastrinen, formirinen thay te manipulinen oleya, sito savaht dosta loshalipeske thay evolvirinela ververutne janipya ko qhavore. Ayekha kay adive ka ovel musayutno tumenge humer vash te den shaipe tumare qhavoreske kay pashe e loshalipeske te qhivel ani funkcia vasteske muskulya, thay te penjarel thay manipulinel ano ververutne forme.

Ko shrd formirineni humer thay palo odova prekal oleste kreirineni vilo sar si ani fotografia may tele. E yaver kotorea e humeresko mothaveni qhavoreske sar te formirinel topke thay te pherel o thanipe e vilesko. Savaht sito vasno kay te den qhavoreske yekh ideya vash khelipe, numay palo odova te mekhen tromale ov te khelel sar ov mangela may buderi. Misal, qhavoro shay ma te mangel te kerel o humer topke vash te pherel o sah thanipe yekhe bare kotorea e humeresko, te bastrinel topke ty. Sasavo shaipe kay o qhavoro alosarela te khelel sito but shukar ji kay o qhavoro sito angazhimo ano olesko khelipe, ayekha kay ma instistineni kay ov te adikerelpe e modeleya kay tumen ofertinena.

Shay te decisinen ini forme sar vilo, qerenya, dugme, vay yaver materiali kotar e kuzhina kay qhavoro te dekorinel oleske vile vash e mama. Ayekha vi tumen shay te den e qhavoreske ini kolorya kay ov te pikturinel o formirime vile kotar o humer.