Mangle sheya: Ani forma e shtarkusheyngi lepatineni o gendya ano sa rigya, nesave pasulya thay nesave makarine, duy kahaveye

Evolviripe e aktivitetesko: Yek khelipe kova sile ani baza matematikako evolviripe thay but hasaiba loshalipe vash o qhavore. Kririnen yek zari kova si te kriringyol ano shtarkysheliya kote shay lepatinena duy gendya sar si ano tasfiri. Si manglo te theren pasuli thay makarine vay sakova shey kova situmen ano kher kova shay te gengyol. Khelipe startinla kote si te klarinel o dat e qhavoreske mangipe e khelipasko, amen simen yek zari akate gendyenca, sera si te truyalina, odote kote aqhola o gendo amen phera e kofa aboka makarinenca vay pasulya. Ka khela ayeka 10 minutya sera, a pe agor kana aqhola o vakti si kay ka gena kova si may but obyektya ani kofa, ov si te triunfinel.