Yagale e brusha

Materiali thay sheya : brusha, kolori, lil.

Evolvirpe e aktivitetesko: Tikne qhavore kamena but o khelipe kolorencar thay yaver materialencar kolen shay te qalaven vastencar thay te dikhen o efekti sebepi-aqhavipe. Adive mekheni olen kay te keren magia kolorencar thay kuzhinake qarencar. Te sine kay situmen yekh brusha e qarengi rumbulak, vay ushkavni e patatengi, tikni shukyarni vay nesavo yaver qaro deni qhavoreske kay te kreirinel “yagale” olenge nishaneya. Ano yekh renduno qato qhiveni blu kolori, galbeno thay parno, apshareni qhavoreske yekh lil vay kartoni thay godideineni te bastrinel o qaro ano kolori thay palo odova te kerel nishanya ano lil. Vakareni vash sar vay kaske si o nishani kay o qaro mekhla ano lil. Mothaveni o anava e koloryenge thay mothaveni kay akala siton o yekhune kolorya sar o Kosovako flago.

Te sine kay na situmen kolorya, yekhune aktivitetya shay te keren ini paynea. Vash qhavore kay ka ovel dosta loshalipeske kay te sapakaren o qaro panyea thay te qhiven ano lil, on shay te buhlaren poro khelipe thay te khelen sar mangena.