Topka parashuta

Materiali thay sheya : yekh baro peshkiri vay bataniya e topkencar e ververutne baripyengo.

Evolviripe e aktivitetesko : Decisineni yekh topka ano mashkar yekh qarshafesko, qeba, peshkiri vay parashutya. Kereni kay tumaro qhavoro te astarel duy cepya e peshkireske ani yekh rig thay duy ani yaver rig. Te sine kay sien may but manusha, rodeni kay savore te adikeren o kotora e materialeske ayekha kay e topka ma te perel ani phuv. Kereni kay e topka te irangyon ushindoy yekh ver ko agor e materialesko palo odova ko yaver. Tentineni te khelaven o materiali ano ververutne forma vash te keren kay e topka te ushtel ano phud thay na mekhindoy kay te perel ani phuv.

Pe agor e khelipesko mekheni e qhavore te pashlol pedral e qeba sigurindoy kay olesko shero te aqhol avri qebatar (ani qeba), palo odova iraneni ole khetane e qeba pakyarindoy ole sar yekh rolati. Paloodova rodena e qhavorestar te irangyol ani yaver rig vash te puterel palem e qeba.