Kote sovla o jivipi ano yeven?

Materiali thay sheya : meslin, beshlin, baro paketi, nesave uqharipya vay qashafi.

Aktiviteti – Palo penjaripe kay o qhavoro lela vash o jivipya kola gatisargyona vash sobi e yevendesko, adive ashutineni e qhavore numay e khelipastar te siklol o thana e jivipyenge kola kerena yevendesko soibe. Ani yek soba shay te improvizinen o thana e jivipyenge sar o shpela vash i marika, tali yek meslin e uqharipeya vay talo yek kreveti ,o saqako vash o yezho ( talo kykya vay kashta tahy yeshelekya) tali beshlin uqhardi yeke uqharipeya ,saqako e sapesko ( dayek rupa ano dayek bar) ano yek garavdo than pako dayek kauqi vay ini e rupa vash e breshka kova shay te improvizinen ano dayek paketi vay korpa e idyengi kote o qhavoro shay te khuvel . Ano gatisaripe e strehipaske thaneng , puqeni e qhavore kote manglape te garavgyol te sine kay sitov marika thay vakereya oleske te nakhel po than vash te kerel yevenduno soibe. May pale vakerena: “akana siyan yek sap thay nao khelaripe nak ko than kote manglape te garavetu”. Vakereni sera sa o jivipya te arakhel o qhavoro poro than ano khelipe e sakole jivipesko kova atakinlole. Khelipe phiravgyola ji kay o qhavoro te arakhel ini o streipsko than vash o yezho, breshka, thay o sap thay te imitinel odola.